تُـــرَاهـات

  ما أكلتش رز لو كنت إتسحرت رز إمبارح أكيد ما كنتش جوعت, مين فينا ما استخدمش التعبير ده؟ كلنا عندنا إعتقاد راسخ إننا لو رجع بينا الزمن كنا هنختار إختيارات مختلفة ولكن الحقيقة عكس كده إختيارك في الوقت ده كان أنسب إختيار فكر فيه عقلك بناءً على ظروفك وإمكانياتك ساعتها ففكرة الحزن علي الماضي او "لو كان" ده فحد ذاتها مجرد ضغط  و مجهود زيادة بترهق بيه نفسك وعقلك طب معني كده إن الماضي عدى وفات وأرميه ورا ضهري أكيد لا علشان نكَّون خبرتنا في الحياة لازم نتعلم كيفية تحليل وتقييم ماضينا ومش بس كده الأستفادة منه في التخطيط للمستقبل حتي لا نُلدغ من جحر مرتين طب أعمل أيه لازم أحدد اللي مضايقني بالظبط سواء كانت مشكلة او موقف أسأل نفسي سؤال هل أنا مسؤل عن المشكلة دي بشكل ما ؟ لو أه هل أنا اقدر أغيرها ؟ لو هقدر في الحالة دي ممكن أبدأ في تحديد خطوات تغييري وحلي للمشكلة دي لو ما أقدرش في الحالة دي ضروري إني اتقبلها الأول وأحدد أسبابها بدقة عشان أتعلم منها أما لو مش أنا المسئول عنها ؟ في الحالة دي طبيعي إننا لازم نحدد المسئولين عنها و أسبابها وطرق التعامل معاها وتخطيها وبس كده خليك د...

    !أوعى يُغرك جسمك  يا ترى هل جسم السباح الشاطر متناسق لتمرينه الكتير ولا هو سباح شاطر لأن جسمه متناسق؟ سؤال غريب صح ؟ المعضلة دي بتناقش فكرة السبب والتأثير أو النتيجة فكرة هل كل حاجة نقدر نحققها ولا قدراتنا وإمكانياتنا ممكن تكون عائق مثال علي ده مدرسين الأوائل مش مصنع ل الأوائل ولكن بعض طلاب المدرس عندهم القدرات والإمكانيات اللي ساعدتهم علي تفوقهم ده ما يمنعش كون للمدرس والمجهود ليه دور كبير تحقيق الأهداف ولكن القدرات والإمكانيات ليهم دور كبير في تحقيقها عشان كده لازم توضع في عين الإعتبار . طب أعمل إيه؟ 1.   لا تخلط بين السبب "جسم السباح" والتأثير "كونه سباح شاطر" 2.   اختار هدف صحيح مناسب ليك ولقدراتك عشان تبذل جهدك في الموضع الصح 3.   ما تقلدش الناجحين بس اتعلم منهم المناسب ليك 4.   ركز علي تطوير نفسك لنفسك مش غرض في تقليد شخص مشهور 5.   وضع هدف واضح وقوي لتطورك هيساعدك في رحلة تطورك بس كده خليك دايما فاكر "أن ليس كل ما يلمع ذهب" وأن خير الجهد هو الذي يبذل في موضعه الصحيح

  جربت تكلم قبل كده حد قريب منك وتشرحله كل مشاعرك ومخاوفك و أفكارك؟ طب جربت تكلم نفسك وتناقشها وتعرف عنها أكتر؟ كلمة journaling او تسجيل اليوميات من الكلمات اللي دايما ارتبطت في عقولنا بالبنات والكراسة الوردي والرومانسية أو بسيرة العظماء والأدباء ولكن يا ترى هل هي كده فعلا؟ هل هي كده فعلا؟ أكيد لأ تسجيل اليوميات من أهم الطرق في زيادة الوعي الذاتي ببساطة بتعرفنا أكتر عن نفسنا,أفكارنا,مشاعرنا,إمتي بنفرح؟,إمتي بنزعل؟ وإمتي بنغضب؟ بالإضافة لده بتخلينا قادرين علي تنظيم وترتيب فوضى الأفكار والمشاعر اللي بنحس بيها يومياً والأكتر من ده قرائتنا ليها في المستقبل بتخلينا ممتنين لحاجات كتير كانت سبب في ما نحن عليه وبتخلينا مدركين بأن مهما كان الشعور اللي حاسين بيه فهو سيمر وده بيخلينا نشكر ونحمد ونصبر ونتفائل أعمل إيه تسجيل اليوميات مش بالضرورة إنك تكتب كل دقيقة فيومك وكل نفس بتتنفسه بالعكس إنت بتكتب الأحداث اللي أثرت فيك وحسستك بشعور ما أثرت في طريقة تفكيرك وإستثارت عقلك بطريقة ما ممكن يكون موقف حصلك في الشارع إنجاز بسيط حققته فكرة جت فدماغك أما عن طريقة الكتابة فاختار الطريقة الم...

من أهم الطرق لأكتشاف نفسك وهي طرح الأسئلة وخصوصا أسئلة ليه ؟ ليه انا اتضايقت ؟ ليه حبيت الحاجة دي ؟ ليه قولت الكلام ده ؟ ليه اختارت الهدف ده أو المجال ده ؟ والسؤال ده هينقلنا لجزئية تانية خالص هل ياترى أنا المسئول عن اختيار أهدافي ولا العالم ولا المجمتع ولا الترند طب إزاي ده إحنا كبشر بنحب دايما قصص النجاح ولحظات الإنتصار وتقريبا ما بنشوف غيرها وبنتناسي كم المحاولات السايقة الغير صحيحة للنجاح ده وبالتالي بنسعى دوما لتقليد الناجحين "والمشهورين بالذات" ناسين أو متناسين طريق نجاحهم مش مجموعة خطوات او روشتة هنمشي عليها عشان ننجح وده بيترتب عليه إننا لما نبدأ نقلدهم أو نحقق أهدفنا بننتظر النجاح والتألق من أول مرة وبنستغرب جدا  لما بنلاقي عكس كده وبالتالي بنحبط ونبتعد عن الهدف ده أو الأسوء إننا نلوم نفسنا أعمل ايه أهم حاجة في اختيار هدف مناسب إننا ندرك السبب من اختياره يعني أنا عايز أحقق الهدف ده ليه هل عشان اكسب فلوس كتير ولا عشان هحتاجه في ما بعد ولا عشان اكون زي فلان ولا ولا ولا.. طالما السبب ده مرتبط بيك وسبب منطقي ومهم بالنسبالك يبقي علي بركة الله ابدأ ف تحقيق الهدف ده...

عايز أتعلم صيني وسط زنقة الإمتحانات أو ضغط الشغل في الوقت ده بنفكر في كل الحاجات اللي نكتشف إننا عايزين أو مش عايزين نعملها (نتعلم صيني -العجلة - نحرر القدس) أي حاجة غير إننا نذاكر أو نشتغل   طب إيه السبب ؟ عقلنا لما بيحس بالضغط - اللي هو بالمناسبة شعور مؤلم جدا بالنسباله - بيميل إنه يبعد عن الشعور ده ويحس بالإنجاز و يشعر بالسعادة حتى لو كانت وهمية أو خارج دائرة التأثير   طب أعمل إيه؟ الصح و الصحي إننا مانوصلش لمرحلة الزنقة وده عن طريق الإدارة السليمة للوقت وده له أساليب وطرق كثير ولكن فرضاً إننا وصلنا للمرحلة دي كل اللي علينا دلوقتي إننا نبدأ بس كده أيوه إبدأ في الحاجة المهمة وسجل أفكارك الجانبية في مكان علشان تقدر ترجعلها بعدين افتكر دايما إن الخطوة الأولى صعبة ولكنها مفتاح لباقي الخطوات , قلل المشتتات اللي حواليك علي قد ماتقدر و بالتالي هتقلل جهد مقاومتك ليها و الأهم من كل ده إنك حتى وسط الضغط افتكر دايما تقسم مهامك لأجزاء أصغر مابينهم فترات  راحة مناسبة  لحجم المهمة وصعوبتها و بس كده خليك دايما فاكر "أن ما لا يدرك كله لا يترك كله" و "أن خير الأعما...