تُـــرَاهـات

  إنت إيه ؟ مبدأيا لو كانت إجابتك علي السؤال ده أي اجابة غير إنك بشر فالكلام ده مش موجه ليك أما لو إجابتك "أنا إنسان" فده هيترتب عليه إننا نعرف شوية حاجات عادي انك تعلمها كإنسان   1.   عادي إننا نغلط ونقع طالما بنحاول وبنتعلم فالغلطة = خبرة 2.   عادي إننا نعبر عن مشاعرنا أيا كانت المشاعر (حب- شكر – امتنان -حزن-خوف- ولكن لازم نختار الشخص والتوقيت المناسب لده 3.   عادي إننا نتوتر ونخاف طالما خوفنا من العواقب بيحفزنا علي التفكير في تصرفتنا 4.   عادي إننا نفكر في غيرنا ونحاول نساعدهم ونفرحهم ونهتم بيهم بس لازم تفتكر ان راحتك النفسية ليها الأولوية 5.   عادي إننا نكون مختلفين سواء في الشكل أو في الجوهر او حتي في الأهتمامات ففي الإختلاف رحمة 6.   عادي إنك تكون عادي بمعني مش لازم تكون اغنى واحد في العالم عشان تكون إنسان ولكن المهم إنك تكون راضي بكل اللي حققته ووصلته ومررت بيه

  عارف اللي فيها ؟ "ما بعرفش أقول كلام حلو" أو "أنا رجل أفعال" سمعت الجملة دي كام مرة عدم التقدير أو قلته بيكون غالبا سبب في فشل أغلب علاقات الصداقة والشغل وحتى الأرتباط والسبب بيكون جاهز وواضح  "ده طبعي" أو "أنا كده " التقدير والكلمة الطيبة   بيكونوا حافز لأي حد إنه يكمل ويبذل أقصى ما عنده في الشغل أو العلاقة   كلمة شكرا البسيطة دي بتعمل معجزات كلمة جميل أو عااش حقيقي بتحسس اللي قدامك إنك مهتم وواثق فيه وكمان بتدعمه وده كافي إنه يحفزه إنه يشتغل و يبدع   طب أعمل إيه 1.   "اطرق الحديد وهو ساخن" متأجلش الكلام الحلو بحجة الإنشغال أو غيره قول الكلمة الحلوة لما تحسها هو ده وقتها المناسب   2.   الكلام طالما من القلب ضروري هيوصل للقلب فماتقلقش من قلة الكلام أو ركاكة التعبير طالما حاسس كل كلمة بسيطة بتقولها 3.   الكلمة الطيبة مش حكر علي الناس الغريبة بس الكلمة الطيبة بتكون للقريب وللبعيد والتقدير واجب لكل من يستحقه 4.   الكلمة الطيبة والتقدير مش نفاق طالما انت حاسس ومؤمن بكل كلمة بتقولها 5.   التقدير مش شرط كلام ولكن الكلم...